«Жамбыл атындағы Ұзынағаш кәсіптік колледжі» МКҚК
Келісімшарт
/2018-2019 оқу жылы/
Осы келісім-шарт, білім алушылардың ата-аналары мен өзге де өкілдері және білім беру ұйымы арасында түзілді.
Осы келісім-шарт ҚР «Білім туралы» Заңы, ҚР «Әкімшілік құқық бұзушылық туралы» Кодексі және колледжтің ішкі тәртіп ережелері негізінде түзілді.
МЕРЗІМІ: колледж бітіргенде немесе колледжден кеткенге дейін және ҚР «Білім туралы» Заңының, ҚР «Әкімшілік құқық бұзушылық туралы» Кодексінің және колледждің ішкі тәртіп ережелерінің өзгеруі мен өзге де өкілдеріне байланысты осы келісім-шартқа өзгеріс енгізілгенше.
Осы келісім-шарт білім алушылардың ата-аналары және білім беру ұйымы арасындағы міндеттерді реттейтін құжат болып саналады.
Ата-аналар немесе олардың орнындағы адамдардың міндеттері:
- білім алушылардың колледжге келуін қамтамасыз ету ( «Білім туралы» Заң,49-баптың 2(4) тармағы);
- білім алушылардың колледж ауласына дейінгі және колледж ауласынан кейінгі жолдағы өмір қауіпсіздігіне жауап беру;
- білім алушылардың студент формасын киюін қамтамасыз ету (Ата-аналар комитетінің шешім);
- колледжге діни діни үлгідегі киімде, кез келген діни атрибутика, нышан, элементі бар киімдер киюге тыйым салынады. (ҚР-ның Үкіметімен бекітілген Дін саласындағы мемлекеттік саясаттың 2017-2020 ж.ж. арналған Тұжырымдамасы қабылданды.) (Колледждің ішкі тәртіп ережесі және ата-аналар комитетінің шешімі)
- білім алушылардың бет-әлпетінің (басының, шашының, қолының, тырнағының тазалығы) санитарлық-гигиеналық талапқа сай келуін қамтамасыз ету(Колледждің ішкі тәртіп ережесі және ата-аналар комитетінің шешімі);
- білім алушылардың оқу құралдарын (оқулық, дәптер, күнделік, қаламсап, қалам, сызғыш, өшіргіш т.б.) қамтамасыз ету (Колледждің ішкі тәртіп ережесі);
- білім алушылардың сабаққа кешікпеуін, себепсіз қалмауын қамтамасыз ету; (Колледждің ішкі тәртіп ержесесі);
- білім алушыларды, тәрбиеленушілерді колледжтің ішкі тәртіп ережесін сақтауға бейімдеу;
- балаларға өмір сүру мен оқу үшін салауатты және қауіпсіз жағдайлар жасау, олардың ой-өрісі мен дене күшін дамыту, адамгершілік, имандылық тұрғысынан қалыптасуын қамтамасыз ету; («Білім туралы» Заң, 49-баптың 2(1) тармағы);
- білім беру ұйымымен ынтымақтастық жасау, балаларды оқыту мен тәрбиелеуде білім беру ұйымдарына жәрдем көрсету; («Білім туралы» Заң, 49-бап, 2(3) тармағы);
- білім алушыларды мемлекет мүлкін сақтауға үйрету. Бұзған жағдайда - өтеу;
- колледж қабырғасында ұялы телефондарды пайдалануға рұқсат етпеу; (Ата-аналар комитетінің шешімі);
Ата-аналар немесе олардың орнындағы адамдардың құқықтары:
- баланың тілегін жеке бейімділігі мен ерекшеліктерін ескере отырып білім беру ұйымын таңдау; («Білім туралы» Заң, 49-баптың 1(1) тармағы);
- ата-аналар комитеттері арқылы білім беру басқару органдарының жұмысына қатысу; («Білім туралы» Заң, 49-баптың 1(2) тармағы);
- білім беру ұйымдарынан өз балаларының үлгеріміне, мінез-құлқына және оқу жағдайларына қатысты ақпарат алу; («Білім туралы» Заң, 49-баптың 1(3) тармағы);
- өз балаларын оқыту мен тәрбиелеу проблемалары жөнініде психологиялық-медициналық-педагогикалық консультациялық көмек алу; («Білім туралы» Заң, 49-баптың 1(4) тармағы);
- балаларына шарттық негізінде ақылы қосымша білім алу; («Білім туралы» Заң, 63-баптың 3-тармағы);
Ата-аналардың немесе олардың орнындағы адамдардың балаларды тәрбиелеу жөніндегі міндеттерді орындамаған жағдайдағы жауапкершілігі.
- Ата-аналар немесе олардың орнындағы адамдар және балалардың тұрмыс-тіршілігіне қатысты өзге де адамдар ҚР «Әкімшілік құқық бұзушылық туралы» Кодексінің (бұдан былай ҚР ӘҚБТ Кодексінің) төмендегі баптары негізінде жауакершілікке тартылады:
111-бабы
- Кәмелетке толмаған балаларды тәрбиелеу және оқыту жөніндегі міндеттерді дәлелді себептерсіз орындамауы – ескерту жасауға немесе айлық есептік көрсеткіштің беске дейінгі мөлшерінде айыппұл салуға әкеп соғады.
- Кәмелетке толмағандардың спирттік ішімдіктерді, есірткі құралдарын және психотроптық
заттарды ұдайы қолдануына әкеп соққан іс-әрекеттер, сол сияқты, олардың қылмыс немесе
қасақана әкімшілік құқық бұзушылық белгілері бар әрекеттер жасауы – ата-аналарға немесе
олардың орнындағы адамдарға айлық есептік көрсеткіштің онға дейінгі мөлшеріндегі айыппұл салуға әкеп соғады.
- Кәмелетке толмаған адамды әкімшілік құқық бұзушылық жасауға тарту, егер бұл іс-әрекетте қылмыстық жаза қолданылатын әрекет белгілері болмаса, - айлық есептік көрсеткіштің елуден жүзге дейінгі мөлшерінде айыппұл салуға әкеп соғады.
- Осы баптың бірінші бөлігінде көзделген, әкімшілік жаза қолданылғаннан кейінгі бір жыл ішінде қайталап жасалған іс-әрекет, - есептік көрсеткіштің жүзден жүз елуге дейінгі мөлшерінде айыппұл салуға, не он бес тәулікке дейін әкімшілік қамауға әкеп соғады.
112-бабы
Ата-аналардың немесе өзге де адамдардың кәмелетке толмаған адамды мас болу күйінде жеткізу, - айлық есептік көрсеткіштің жиырмадан елуге дейінгі мөлшерінде айыппұл салуға әкеп соғады.
113-бабы
Он сегіз жасқа толмаған адамдарға алкоголь ішімдіктерін сату, - айлық есептік көрсеткіштің онға дейінгі мөлшерінде айыппұл салуға әкеп соғады.
114-бабы
1 Он сегіз жасқа толмаған адамдарға темекіні және темекі бұйымдарын сату, - жеке тұлғаларға бес лауазымды адамларға және дара кәсіпкерлерге он бес айлық есептік көрсеткіш мөлшерінде айыппұл салуға әкеп соғады.
- Осы баптың бірінші бөлігінде көзделген, әкімшілік жаза қолданылғаннан кейінгі бір жыл ішінде қайталап жасалған іс-әрекет, - жеке тұлғаларға-он, лауазымды адамдарға және дара кәсіпкерлерге жиырмадан елуге дейінгі айлық есептік көрсеткіш мөлшерінде айыппұл салуға әкеп соғады.
373-бабы
- Жиналыстар, митингілер, шерулер, тосқауылдар, демонстрациялар және өзге де көпшілік іс-шараларын ұйымдастыру немесе өткізу тәртібі туралы ҚР Заңдарын бұзу, не оларды ұйымдастыруға немесе өткізуге кедергі жасау, сол сияқты, заңсыз жиналыстарға, митингілерге, шерулерге, демонстрацияларға, не өзге де көпшілікке арналған іс-шараларға қатысу, егер бұл іс-әрекеттерде қылмыстық жаза қолданылатын әрекет белгілері болмаса,-жеке тұлғаларға ескерту жасауға немесе айлық есептік көрсеткіштің жиырмаға дейінгі мөлшерінде айыппұл салуға, лауазымды адамдарға айлық есептік көрсеткіштің елуге дейінгі мөлшерінде айыппұл салуға әкеп соғады.
- Рұқсат етілмеген жиналысқа, митингіге, тосқауылға, демонстрацияға, не өзге де көпшілік іс-шараларына қатысушыларға ұйымның басшыларының және басқа да лауазымды адамдардың үй-жай, не өзге де мүліктер(байланыс құралдарын, көбейту техникасын, жабдықтар, көлік) беруі немесе осындай іс-шараларды ұйымдастыру ен өткізу үшін өзге де жағдайлар туғызуы, - айлық есептік көрсеткіштің жиырмаға дейінгі мөлшерінде айыппұл салуға әкеп соғады.
115-бабы
- Кәмелетке толмағандарды эротикалық мазмұндағы өнімді әзірлеуге, сондай-ақ эротикалық мазмұндағы өнімді таратуға, жарнамалауға және сатуға тарту, - айлық есептік көрсеткіштің елуге дейінгі мөлшерінде айыппұл салуға әкеп соғады.
Білім беру ұйымының міндеттері:
- колледждегі оқу және тәрбие процесін жұмыстық оқу бағдарламалары мен жұмыстық оқу жоспарларына сәйкес жүргізу;(«Білім туралы» Заң, 28-бап);
- колледждегі тәрбие бағдарламаларын студентлардың патриоттық, азаматтық, интернационалдық, жоғары моральдық және имандылық сезімін қалыптастыруға, сондай-ақ жан-жақты қызығушылықтары мен қабілеттерін дамытуға бағыттау;(«Білім туралы» Заң, 28-бап);
- студентлардың ата-аналарына және өзге де заңды өкілдеріне оқу және тәрбие процесінің барысымен және мазмұнымен, сондай-ақ студентлардың үлгерімімен танысу мүмкіндігін қамтамасыз ету;(«Білім туралы» Заң, 28-бап);
- студентлардың денсаулығын сақтау мақсатында колледжте медициналық қызмет көрсетуді қамтамасыз ету;(«Білім туралы» Заң, 48-баптың 3-тармағы);
- студентлардың және олардың ата-аналарының абыройы мен қадір-қасиетін құрметтеу;(«Білім туралы» заң, 51-баптың 3(8)-тармағы);
- колледжден тыс болған, бала өмірі мен денсаулығына қауіп төндіретін, тәрбиесіне кері әсерін тигізетін оқиғаларға, келеңсіз жағдайларға колледж ұжымы мен басшысы жауап бермейді.
Білім беру ұйымының құқықтары мен құзыреті:
- ішкі тәртіп ережелерін әзірлеуге және бекітуге құзырлы;(«Білім туралы» заң, 43-баптың 2(1)-тармағы);
- колледж студенттерінің үлгеріміне ағымдағы бақылауды және студенттерден аралық аттестаттауды жүргізудің нысандарын, тәртібін және мерзімділігін таңдауға құзырлы;(«Білім туралы» заң, 28-бап);
- колледжден білім алушыларға шарттық негізде ақылы қосымша білім беру;(«Білім туралы» заң, 43-баптың 2(9)-тармағы);
- ҚР заңнамасында белгіленген тәртіппен қосымша қаржылық және материалдық қаражат көздерін тарту;(«Білім туралы» заң, 43-баптың 2(10)-тармағы).
Білім беру ұйымының жауапкершілігі:
Білім беру ұйымының міндеттерін орындамаған жағдайда жауапкершілікке ҚР-ның заңдары негізінде тартылады;
Білім беру ұйымының міндеттерінің орындалуын бақылау мен басшылық жасау құқығы, облыстық білім басқармасына жүктеледі.
ЕСКЕРТУ: келісім-шарт Колледждің ата-аналар жиналысында талқыланып, оған ұсыныстар енгізіліп, 2018 жылы мамырдың 18 күні өткізілген № 4 ата-аналар жиналысының шешімі негізінде бекітілді.
Осы келісім-шарттағы ата-ана қолын қойдыру жауапкершілігі Топ жетекшілеріне жүктеледі.
күні ,жылы
Студентның ата-анасы----------------------------------------------------------------------------------------------------
(немесе олардың орнындағы адам)
Колледж директоры --------------------------------------------------- Б.Б.Алтаев
Директордың тәрбие ісі жөніндегі орынбасары --------------- А.А.Джумадилова
Колледж психологы-----------------------------------------------------А.К.Сеитова
Топ жетекшісі-------------------------------------------------------
